Ek Aakhri Nagma Tere Naam ♥️

-
Dosti ♥️, Tumhe Pata Hai Kya Hoti Hai ? Aj Shuru Kar Raha Hu Likhna Dosti Se Hi , Kyuki Yahi Se Sabki Shuruwat Hoti Hai , Dosti Sach Ka Dusra Naam Hai , Agar Tum Dost Ko Jo Kehte Ho Sach Kehte Ho To Tumhari Dosti Mukammal Hai , Kyuki Jab Bhi Dosti Me Jhuth Pakda Jata Hai , To Qeemat Gir Jaati Hai Dosti Ki , Haan Kabhi Kabhi Jhuth Bhi Bolna Padta Hai Dosti Me Dusre Ki Khushi Ke Liye, Jese Mera Jhooth Hota Hai Kabhi Kabhi Ki Haan Mai Khush Hu, Mai Apne Gum Ya Problems Bata Kar Kisi Ko Pareshan Nahi Karta , Jhuth Aur Mazak Dono Esi Chize Hai Jo Dosti Ko Khokhla Kar Deti Hai, Mazak Se Matlab Wo Mazak Nahi Jise Joke Kehte Hai Koi Esa Mazak Jo Tum Dusre Ki Zindgi Se Karo , Haan Mai Aksar Tumhare Mazak Ka Shikaar Hua Hu, Dosti Ek Dhaaga Hai Rahib Jo Khushiyon Ke Motio Ko Samet Kar Rakhta Hai , Dosti Naam Hai Ek Dusre Ke Saath Jeene Ka, Ek Dusre Ke Har Khushi Or Gum Me Sath Dene Ka, Aur Dosti Me Koi Matlab Nahi Hota, Agar Tum Mujhe Dost Rakhte Ho Matlab Ke Liye Ya Mujhse Sirf Khushiya Paane Ke Liye , Aur Agar Mere Gum Me Ya Mere Bure Waqt Me Tum Mere Sath Nahi Aa Sakte , To Chod Do Mujhe 🙏 Kyuki Esi Dosti , Dosti Nahi Sauda Hota Hai

To Ab Mudde Par Aau To Ye Kahunga Ki, Mai Sach Ka Poojari Hu, Or Tum Jhuth Ki Murat Thi, Esa Nahi Ki Tum Sach Nahi Bolti Thi , Aur Esa Nahi Ki Mai Jhooth Nahi Bolta Tha, Lekin Tumne Jhuth Kuch Es Tarike Ka Bola Jo Teri Meri Dosti Ka Khoon Kar Gaya

Ek Aakhri Nagma Tere Naam, Ye Aj Ka Paigaam Tere Naam, Aakhri Baar Zindgi Me Ye Meri Qalam Tere Naam

Tumhe Yaad Hoga Ki Ache Dost They , Aur Hum Bhut Acha Waqt Guzara Karte They, Tumhare Dil Ki Baate Mai Sunta Tha, Aur Mere Dil Ki Baate Tum Sunti Thi, Tumhe Yaad Hoga Ki Hum Kese Subah Subah Jaldi Uthte The, Sirf Baat Karne Ke Liye, Kitna Acha Waqt Tha Wo, Mujhe Lagta Hai Ki Tab Sab Kuch Sach Hota Tha, Subah Se Sham , Aur Sham Se Raat Tak Hum Sath Na Hokar Bhi Sath Hote They , Aur Tumhare Liye To Maine Apna Har Ek Dost Chod Diya Tha, Kyuki Sahab Dosto Ko Waqt Dena Padta Hai , Aur Jab Mai Unko Waqt Deta Tha To Tum Udaas Ho Jati Thi, Tum To Mujhe Ye Hi Kehti Thi , Sach To Khuda Hi Janta Hai, Friends Se Good Friends Aur Good Friends Se Best Friends Bane Hum Kyuki Mujhe Bahut Zarurat Thi Kisi Ese Ki Jo Dil Ke Qareeb Ho Aur Tumse Jyada Qareeb Koi Bhi Nahi Tha , Zarurat Ki Baat Karu To , Subah Aankh Khulne Se Raat Ko Aankh Band Hone Tak Mujhe Tumhari Zarurat Hoti Thi, Kyuki Meri Zindagi Me Koi Nahi Tha Tumhare Jesa

Aur Suno Mai Tumhare Liye Kuch Andar Se Mehsoos Karta Tha, Tumhare Sath Rehna Mujhe Acha Lagta Tha, Haan Shayad Esi Ko Pyar Kehte The, Lekin Jab Maine Tumhe Bataya Tha Ki Mai Tumhe Pyar Karta Hu, Tumhe Yaad Bhi Nahi Hoga Ki Kab Btaya Tha, Kese Btaya Tha, Lekin Jab Tumhe Bataya Tha To Tumne Inkaar Nahi Kiya Shayad Tum Me Bhi Mere Liye Kuch Feelings Thi Thodi Kamm Hi Sahi, Aur Mai Apne Bache Ki Tarah Tumhara Khyal Rakhta Tha Tumhe Motivate Karta Tha Padhne Ke Liye, Tum Hoti Thi Ya Nahi Hoti Thi Mujhe Nahi Pata,Waqt Ke Sath Sath Teri Meri Dosti Aur Mera Pyar Badhta Gaya Tumhara Mujhe Nahi Pata

Jaha Pyar Hota Hai Waha Ladai Zarur Hoti Hai Aur Mai Bahut Kia Karta Tha Ho Sake To Mujhe Maaf Kar Dena , Lekin Jo Bhi Tha Tum Me Aur Mujh Me Bahut Khoobsurat Tha, Tere Diye Gum Se Farak Nahi Padta Kyuki, Phoolo Ke Sath Kante Bhi Hote Hai

Mere Bahut Khwab The Sari Zindgi Tumse Jude Rehne Ke Tere Mere Bich Muhabbat To Zarur Thi Lekin Dono Ko Pta Tha Ki Future Nahi Hai Hum Dono Ka Shayad Tumhe Yaad Nahi Hoga Baat Kuch Es Tarah Hui Thi Ki Sath Rahenge Jab Tak Tumhari Ya Meri Shadi Nahi Hoti Hm Dono Ki Hona Na Hona Khuda Ki Marzi Thi, Lekin Ye Kismat Ko Kuch Aur Hi Manzoor Tha Ye Tere Sath Safar Bahut Jaldi Khatam Ho Gaya, Sach Kahu To Hasrat Meri Nafrat Me Badal Gayi

Lekin Wajah Kya Thi ?
Tumhare Jaane Ke Bad Mujhe Jab Tumhara Sach Pata Laga To Mai Hairaan Hua, Ab Mai Konse Sach Ki Baat Kar Raha Hu Tumhe Pata Hai, Yaha Likhuga To Acha Nahi Lagega Kyuki Aur Bhi Dost Mujhe Padhte Hai

Basically Hum Jise Pyar Karte Hai Izhaar Karte Hai To Wo Izhaar " I Love You " Se Kiya Jata Hai Agar Dusre Ko Hota Hai To Wo " I Love You Too " Kehta Hai

Shayad Maine Sahi Likha Ho ?

Tumne Kayi Jhuth Bole, Ab Kya Kya Bole Mujhe Pata Hai Lekin Ab Discuss Nahi Karunga Because It's Over Now

Haan Maine Bhi Bole Honge Kayi Jhuth Lekin Kabhi Esa Nahi Bola Ki Mera Jhooth Tumhe Hurt Kare

Mai Tumhara Friend Bhi Tha, Best Friend Bhi Tha Aur Tumhe Pyar Bhi Karta Tha , Shayad  Bhi Karti Thi Kabhi

Tumhare Liye Nafrat Lekin Kyu ?
Haan Mujhe Nafrat Thi Tumse Aur Us Nafrat Me Maine Bahut Kuch Likha Tumhare Liye, Lekin Suno Tumhe Nahi Pata Hoga Shayad Wo Nafrat Kyu Thi

Ye Tumhe Bhi Pata Hai, Ki Mere Hote Hue Bhi Tum Kisi Aur Ko Pasand Karte They, Kitna Khush Naseeb Hoga Na Wo Jise Tumne Pasand Kiya, Aur Uski Asliyat Tumhe Shayad Nahi Pata , Jaan Jaoge Jald Hi Kyuki Mai Tumhe Hmesha Kehta Tha Ki Har Ladka Karan Gumber Nahi Hota, To Nafrat Ki Wajah Tumhara Jhooth Tha Haan Agar Tum Kisi Ko Pasand Karte They Tum Mujhe Batate Mai Apne Pyar Ka Gala Ghot Deta Tumhare Liye Aur Tumhari Khushi Ke Liye Lekin Tumne Mujhe Kuch Nahi Bataya Lekin Pata To Mujhe Chal Gaya Aur Wo Bhi Kisi Aur Se Jisne Bataya Wo Rabb Ka Farishta Hai, Aur Mera Sarr Aj Bhi Daba Hai Uske Ehsaan Ke Niche , Bas Tumhara Ye Baat Chupana Aur Jhooth Bolna Mujhe Tod Gaya

Zara Ek Baat Batao

Maan Lo Ki Mai Tumhara Best Friend Tha , To Tumne Mujhe Kyu Nahi Bataya Ki Tum Kisi Ki Pasand Karte Ho

Agar Tum Me Mere Liye Kuch Feelings Thi To Fir Kisi Dusre Ke Liye Kese Aa Gayi Feelings

Ye Mera Sawal Hai Tumse Lekin Eska Jawab Mujhe Nahi Chahiye Tum Khud Ko Dena Eska Jawab Kyuki Tumhe Zarurat Hai

Agar Meri Purani Zindgi Hoti, Kaash Meri Purani Zindgi Hoti

Shayad Tumhe Yaad Hoga Ki Mai Ek ChainSmoker Tha Itne Glass Tum Din Me Paani Nahi Peeti Thi, Jitni Mai Cigarette Peeta Tha Purani Zindgi Hoti To Cigarette Ke Ek Ek Kash Se Mai Teri Ek Ek Yaad Bhula Deta Aur Sharab Me Baraf Ki Tarah Daalkar Tere Har Ek Gum Ko Pee Leta

Lekin Sahab Ye Sab Mai Chod Chuka Tha , Esliye Mere Dil Ko Sakoon Sirf Ek Hi Chiz De Sakti Thi Aur Wo Thi Shayari , Aur Karan Gumber Ko Karan_Writing Banane Wale Tum They, Aur Tumhara Shukriya , Kyuki Bhut Aam Sa Tha Mai Tumne Mujhe Bahut Khaas Bana Diya

Aur Suno

Kya Khoya Tumne Ek Esa Dost Jo Zindgi Ke Har Qadam Par Tumhare Sath Hota Sukh Me Bhi Dukh Me Bhi, Aur Nuksaan Tumhara Hua
Tumne Mujh Jesa Dost Kho Diya

Lekin Ek Waada Karna Mujhse

Kabhi Kisi Se Jhuth Mat Bolna , Sach Bolna Chahe Wo Sach Kitna Bhi Zehar Bhara Ho Chahe Samne Wala Mar Bhi Jaye Tunhara Sach Sunkar

Kabhi Ye Mat Sochna

Ki Mai Tumhare Sath Nahi Hu Kabhi Dost Kaha Tha Tumhe Aur Mai Ye Dosti Tod Du Esa Ho Nahi Sakta Meri Dua Me Sabse Pehla Zikar Dost Ka Hi Hota Hai Aur Hota Rahega

Mai Majboor Tha

Mere Paas Aur Koi Rasta Nahi Tha Dard Mitane Ke Liye Esliye Tujhpar Kya Kya Likh Daala

Mai Likhta Rahunga

Kyuki Likhna Meri Zindgi Hai Aur Tum Mujhe Padhna Kyuki Mai Khud Likhkar Khud Ko Jeena Sikhata Hu, Shayad Mujhe Padhkar Tumhe Kuch Sikhne Ko Mile

Pehle Sab Tum They, Lekin Ab Sab Hai Tum Nahi Ho, Mai Tumhe Nahi Likhunga Ab, Kyuki Kahi Na Kahi Takleef Hoti Hogi Mujhe Padhkar

Mujhe Sab Yaad Hai

Jo Jo Tumhare Sath Acha Waqt Tha Sab Yaad Hai Lekin Jo Bhi Bura Tha Mai Sab Bhul Gaya

Maine Tumhe Maaf Kia
Mujhe Nahi Pata Tumne Kya Kya Kab Kab Jhuth Bola Lekin Tumne Bahut Bola Itna Pata Hai , Aur Maine Tumhe Maaf Kia , Aur Dua Karna Mera Rabb Bhi Tumhe Maaf Kar De, Aur Ho Sake To Mujhe Maaf Karna Maine Tumhe Abuse Kia , Mai Mar Kyu Nahi Gaya Us Din

Aur Dua Karna Ki Mujhe Kabhi Zarurat Na Pade Tumhe Likhne Ki , Kabhi Zarurat Padi To Apki Permission Zarur Lunga

Aj Khuda Ki Mojoodgi Me, Kyuki Khuda Har Jagah Maujood Hai Mai Karan Gumber Urf Karan_Writing Tumpar Likhna Chod Raha Hu

Khuda Tumhe Toufiq De Sach Bolne Ki Aur Ek Ache Insaan Ki Tarah Zindgi Jeene Ki



©Karan_Writing

Comments

Post a Comment

Popular posts from this blog

Ailan E Jung ( Last post before Success)

-
Image
शुरू खुदा के नाम से जो सबसे बड़ा है । जिसने ये जिंदगी दी, ज़िंदगी में सुख मिले तो उसका शुक्रिया करने के लिए दुख मिले तो दुआ करने के लिए । मेरी ज़िंदगी में उसने मुझे जो कुछ दिया सबसे अच्छा दिया । जो कुछ भी मुझे नुकसान पहुंचा सकता था उसने मेरी जिंदगी से ऐसे निकाला जैसे दाल में से कंकर निकाल दिया जाता है । और सुनो तुम पढ़ रहे हो मुझे पता है और तुम्हारी ज़िंदगी में भी ऐसा ही है जो नुकसानदायक था उसने निकाल दिया और जो भी फायदे वाला है आ चुका है तुम्हारी ज़िन्दगी में और आता ही रहेगा क्योंकि हम अब इतने बड़े ही गए इतने तजुर्बेदार हो गए कि हमें अब फर्क नहीं पड़ता और सुनो अच्छी है अब तुम्हारी हमारी ज़िंदगी क्योंकि मेहनत करने लगे है अब हम । हाँ अब बड़े हो गए है हम । मेरी उम्र कुछ 24 साल की हो चुकी है मेरे साथ वाले कुछ बड़े शहर में नौकरी कर रहे हैं, कुछ की शादी हो चुकी है और कुछ अपने बीवी बच्चों के साथ खुश हैं । बात 2010 की है जब मैं दसवी कक्षा में पढ़ता था । मैं पढ़ाई में ठीक ठाक था सभी विषयों में मैं अच्छा था लेकिन एक विषय ऐसा था जो मेरे लिए नामुनकिन था उस वक़्त वो था maths, 2009 तक हमारे पंजाब बोर्ड में ...
Read more

The last night of sorrows

-
Image
Shuru Khuda Ke Naam Se Jisne Es Qalam Me Noor Bhar Diya Aur Jisne Es Qalam Ke Sadke Dil Ka Dard Mitana Sikha Diya Kahani Ek Ladke Ki, Jo Dosti Ke Liye Mar Mitne Wala Tha, Hai Aur Rahega Bhi, Kabhi Ek Waqt Tha Jab Uske Pas Dost Nahi They Wo Ajeeb Sa Tha Ajeeb Si Baate Karne Wala Tha, Fir Usne Badalna Shuru Kiya Aur Fir Uske Kuch Dost Bane Wo 3 Ladkia Thi Jise Wo Bachpan Se Hi Janta Tha, Jo Khas Thi, They To Aur Bhi Bhut Zindagi Me Lekin Shayad Unke Sath Kuch Alag Hi Baat Thi, Un Teeno Me Se Ek Ko Wo Bahut Kam Janta Tha, Aur Wo Use Janna Chahta Tha, Shayad Uske Sadke Hi Zindagi Me Koi Maqam Milna Likha Tha, Wo Bahut Bholi Si Thi Dunia Se Bekhabar, Shuruwaat Ki Fazilat Ye Thi Ki Wo Dono Ek Dusre Se Anjaan They Lekin Tab Bhi Ek Dusre Se Sara Din Baate Kiye Karte They, Wo Ladka Use Bahut Kuch Bataya Samjhaya Karta Tha Jo Ki Uska Farz Tha Uski Har Mushkil Wo Apni Banakar Chalta Tha Kyuki Usko Pata Tha Ki Jab Koi Mushkil Me Sath Nahi Hota To Kesa Lagta Hai, Bahut Ache Se Din Guzar Rahe T...
Read more

Aaj Fir Aayi Thi Wo ♥️

-
Image
Guzar raha tha raaste se Tanha bhi tha aur akela bhi Ashko ka silsila bhi jaari tha Aur gumo ka mela bhi Baadal bhi chal rahe the Meri tarah zindagi ke rasto par Rukne wale wo bhi nahi lagte the Chalte rehne ka iraada tha mera bhi Kuch baate zehan me chal rahi thi Dil ubal raha tha mera bhi Kuch pal hi guzre ki achanak Mausam suhana sa ho gaya Maza es mausam ka lene Mai bhi ek mod par khada ho gaya Ek badal kuch es tarah garja Ki bola apni dost ka deedaar kar ja Zameen dil ki thi garmiyo se ghiri Wo pehli boond mere honto par giri Ab dekhkar aasman ki taraf Mai bhi muskura raha tha Dosto ki yaado me Bheegta jaa raha tha Gum se nikal kar ab mai Khushiyo ki raaho me tha Mai apni dost baarish ki Baaho me tha Hath ferkar mere baalo me Wo mujhse pyar kar rahi thi Aane wale garam mausam ke liye Mujhe tyaar kar rahi thi Kaha maine usse itna na sataya kar E meri dost tu thodi jaldi aaya kar Kaha usne mai tera pyar bhi hu aur garoor bhi hu Lek...
Read more