The Beginning of success

Shuru Khuda Ke Naam Se Jisne Es Qabil Banaya Ki Kabhi Tumhare Liye Kuch Likh Saku , Haan Wo Hi Hai Jo Chalata Hai Mujhe Sach Ke Raste Par , Aur Jisne Mujhe Es Qabil Banaya Ki Kisi Ka Dost Ban Saku , Haan Ek Waqt Tha Jab Mere Sath Koi Nahi Tha Khuda Ke Siwa, Aur Kabhi Kabhi Mai Dost Manga Karta Tha Usse, Shayad Kisi Tanha Raat Me Qabool Hui Dua Ho Tum , Mujhe Nahi Pata Tha Zindagi Kya Hai Kuch Halaato Ne Sikhaya Aur Kuch Tumne , Haan Tumne Pucha Ki Tumne Kya Sikhaya , Lekin Ye Ek Bada Sach Hai Ki Jo Tumne Sikhaya Wo Kabhi Byaan Nahi Ho Sakta, Mai Likhta Hu Kyuki Likhna Meri Zindagi Hai, Lekin Jis Tarah Khuda Ko Nahi Likh Sakta Kyuki Wo Be-Misal Hai , Wese Hi Tumhari Ye Dosti Hai Khuda Ki Tarah Be-Misaal Hai , Mai Us Rabb Ka Bhi Zikar Karta Jaunga , Aur Tumhara Bhi Aur Har Ek Dost Ka Bhi, Chahe Halaat Kuch Bhi Ho, Mai Rahu Na Rahu Lekin Meri Ye Baate Reh Jayengi

Ye Aj Ka Tumhara Din ♥️

Ek Sapna Tha Ye, Fir Soch Bani, Aur Fir Mere Khuda Ne Sachai Bana Daala, Haan Ye Mauka Bahut Kamm Ko Milta Hai , Lekin Mere Rabb Ne Tumhe Diya , Kyuki Tum Eske Qabil Ho, Kitna Acha Lagta Hai Jab Hmare Khwab Poore Hote Nazar Aate Hai, Lekin Dost Ek Baat Yaad Rakhna , Agar Kisi Manzil Ko Paane Ki Aarzu Ho , Aur Tumhe Waha Jaane Ka Rasta Mil Jaaye , Ye Bahut Badi Baat Hoti Hai , Aur Tum Ye Rasta Bhi Saaf Saaf Dekh Rahe Ho , Aur Manzil Bhi Tumse Door Nahi , Aur Tum Sirf Samaan Nahi Lekar Jaa Rahe , Tum Apne Parents Ki Umeede Lekar Jaa Rahe Ho , Aur Mujhe Tumse Badi Umeed Hai , Aur Bahut Bharosa Bhi Aur Tumhe Khara Utarna Hai Sabki Umeedo Par

Waha Har Shaks Jhootha Hai 😐

Haan Tum Beshaq Sache Ho Aur Ek Sacha Insan Sabko Apni Tarah Sacha Samajhta Hai, Aur Ye Hi Sabse Badi Galti Hoti Hai, Haan Tumne Bhi Dunia Dekhi Hai Aur Kuch Dhokhe Bhi Khaye Hai Wo Bhi Unse Jinse Umeed Nahi Thi, Haan Unhone Tumhe Chod Diya Jab Tumhe Unki Zaroorat Thi , Tumne Chalna Nahi Sikha Tha Unke Bina , Lekin Khuda Ne Tumhe Ek Esa Mauka Diya Hai Ki Agar Tum Mehnat Karo To Dunia Tumhare Piche Chalegi Aur Us Dunia Ke Piche Wo Sab Bhi Chalenge Jinhone Kabhi Tumhe Chod Diya Tha , Ahhh Kitne Badnaseeb Hai Wo , Jinhone Tumhare Jesa Dost Kho Diya , Apne Dil Se Puchna Ki Wo Sab Kitne Ghatia Log They , Aur Jaha Tum Jaa Rahe Ho Waha Ke Log Ghatiapan Ki Misaal Hai , Wo Itne Ghatia Hai Ki Hmari Soch Bhi Waha Tak Nahi Pahuch Sakti , Har Ek Insaan Tumhara Dost Banna Chahega Ek Ghatia Matlab Ke Liye , Wo Tumhare Skills Chori Karne Ki Koshish Karenge , Tum Akele Kaam Karna Kyuki Agar Kisi Ke Sath Karoge To Mehnat Tumhari Hogi Aur Credits Wo Le Jayenge

Kisi Ki Madad Mat Karna

Mai Nahi Kehta Ki Tum Apni Insaniyat Bhul Jao Bas Manzil Tak Pahuchne Ke Liye Tumhe Kuch Waqt Ke Liye Badalna Hoga Kyuki Waha Ke Log Madad Nahi Matlab Maangte Hai , Tum Kisi Ki Madad Ke Liye Hath Uthaoge To Wo Tumhara Fayda Utha Lenge Aur Ye Dastoor Hai Aj Ke Zamane Ka

Bahut Log Chahege Ki Tum Unki Dost Bano

Waha Ki Zindagi Me Mehnat Bhi Hai Aur Maza Bhi Bahut Sare Log Ese Ayenge Jo Tumhara Dost Banna Chahege Lekin Ek Baat Yaad Rakhna Wo Dost Banenge Lekin Nakli Dost Sirf Time pass Karne Ke Liye Tumhara Koi Dost Nahi Hoga Waha Lekin Tum Khud Banna Khud Ka Sabse Acha Dost Haan Tumne Hi Mujhe Sikhaya Hai Ye , Aur Khud Mat Bhool Jana Tumhe Es Bar Ek Matlabi Aur Nakli Dost Banna Hoga Agar Tum Asli Ban Gaye To Wo Tumhari Sabse Badi Galti Hogi

Tum Jaante Ho Sabse Badi Galti Kya Hoti Hai ?

Zindgi Ki Sabse Badi Galti Hoti Hai " Try Once "  " Ek Bar Me Kuch Nahi Hoga " , " Ek Baar To Try Karna Chahiye " Haan Waha Kuch Ese Bhi Log Honge Jo Bahut Galat Kaam Karte Honge Haan Wo Bethenge Tumhare Sath Aur Kuch Es Tarah Ki Baate Karenge Ki Ek Baar Karne Se Kuch Nahi Hota , Lekin Ek Baat Hmesha Yaad Rakhna Ki Wo Jab " Try Once " Wali Baat Hum Maan Lete Hai , Us Din Se Zindagi Me Barbaadi Shuru Ho Jaati Hai ,

Mai Bhi Shikaar Hu Esi Hi Saajish Ka

Haan Haan Mai Fass Gaya Baato Me Aa Gaya Kuch Logo Ne Kaha Try Once Aur Mene Maan Liya Pehli Baar Wo Beer Thi Jab Use Piya To Bas Peena Aa Gaya , First Try Ke Bad Esa Kabhi Kisi Ki Zindagi Me Nahi Hua Ki Second Try Na Hui Ho , Pehle Beer First Try Thi Fir Whisky Fir Smoking , Aur Fir Kuch Thode Se Hi Waqt Me Mai Addict Ho Chuka Tha , Mujh Par To Nazar Rabb Ki Thi Ki Usne Kuch Dost Ese Bana Diye Jinhone Mujhe Sambhala , Haan Tumhare Pas Bhi Honge Shayad Kuch Sambhalne Wale Lekin Esa Kaam Kyu Karna Jisse Baad Me Pachtana Pade

Agar Tumne " Try Once " Kia
Haan Mai Tumhara Ye Haath Tod Dunga Aur Tumhara Ye Muh Bhi Agar Tumne Esi Koi Galti Ki , Agar Karoge To Shayad Jhuth Bol Doge , Lekin Ek Baat Yaad Rakhna , Jaha Se Jhooth Shuru Ho Jata Hai Waha Se Dosti Khatam Honi Shuru Ho Jaati Hai , Bahut Kuch Kho Diya Zindagi Me Jiski Wajah Jhooth Thi

Apna Dhyan Rakhna 🤗

Haan Tum Bahut Intelligent Ho Mujhe Pata Hai Lekin Us Shahar Ki Bheed Me Kabhi Bhi Jaldi Mat Karna, Waha Ki Zindagi Bhi Ek Sadak Ki Tarah Hai , Jise Tumne Left Right Dekhkar Dhyan Se Aage Badhna Hai, Koi Bhi Jaldi Karne Se Pehle Zaroor Sochna Ki Kuch Logo Ki Khushiya Ho Tum , Bas Dhyan Rakhna Apna

Tumhe Khud Ki Pehchan Bnani Hai 😃

Ye Zindagi Sirf Tumhari Hai Aur Sirf Tumhari, Tum Khud Ke Best Friend Ho Aur Tumhe Kisi Ki Zarurat Nahi , Haan Ek Shaks Hai Waha Jo Kabhi Tumhara Dost Tha, Lekin Yakeen Karna Wo Tumhara Dushman Hai , Uski Muskurahat Dhokha Hai Uski Baate Jhuth Hai Aur Wo Ek Dogla Insaan Hai , Door Rehna Usse , Apna Matlab Nikalna Usse Aur Kuch Nahi, Haan Mai Tumhe Dekhna Chahta Hu Kuch Es Tarah , Socho Tum Apne Office Me Aa Rahi Ho To Jab Tum Enter Karogi To Sab Apne Seat Se Khade Honge Tumhari Shaan Me, Haan Ye Sapna Nahi Dikha Raha Dost , Tum Yaha Pahuch Sakte Ho Aur Tumhe Pahuchna Hai Es Maqam Par , Bas Hardwork Chahiye Aur Thodi Smartness Wese To Bahut Ho Tum , Lekin Senty Hokar Apne Skills Bta Dete Ho Aur Help Kar Dete Ho Har Kisi Ki, Tumhe Badalna Hoga Kyuki Tumhe Aage Badhna Hai, Aur Tumhe Zarurat Nahi Kisi Ki, Tum Kaafi Ho Khud Ke Liye

Mujhe Ek Waada Chahiye Tumse

Har Ek Us Chiz Ko Nikal Dena Zindagi Se Jo Tumhe Tumhari Manzil Tak Pahuchne Se Rokti Ho, Aur Kabhi Unka Saath Mat Chodna Jo Tumhare Es Safar Ke Shuru Hone Se Pehle Tumhare Saath Hai, Sari Dunia Ke Liye Badal Jana Lekin Unke Liye Mat Badalna Jo Aj Tumhare Saath Hai , Kyuki Kuch Gawana Bahut Aasaan Hai , Paana Bahut Mushkil Aur , Tumhe Waha Mazboot Banna Hai Itna Ki Tumhe Koi Tod Na Sake Aur Tum Kahi Bhi Jana Us Shahar Me , Tumhari Pocket Me Pepper Spray Honi Chahiye Aur Mujhe Waada Chahiye Ki Tum Hmesha Rakhoge

Haan Mai Tumhare Saath Hoon

Mai Tumhare Sath Hoon Kyuki Safar Sirf Ek Nahi Shuru Ho Raha Safar Do Hai Tumhara Sitaaro Tak Ka Mera Pahado Tak Ka, Aur Dono Hi Bahut Mushkil Hai, Aasan Chize To Bache Bhi Kar Lete Hai , Hume Karna Hai Esa Kuch Ki Misaal Ban Jaaye, Abhi To Khair Kuch Kadmo Ka Faansla Hai Tere Mere Ghar Ka , Bahut Door Jana Hai Tumhe Aur Mujhe Bhi, Tum To Bahut Qabil Ho Tum Tak To Nahi Pahuch Pauga Lekin Koshish Karunga , Ki Kabhi Na Kabhi Ye Zindagi Ke Raasto Me Milte Rahe , Baato Ka Silsila To Chalta Hi Rahega Kyuki Es Baar Mai Baate Khatam Nahi Hone Dunga, Jab Tak Zindagi Hai Tumhare Saath Rahunga Ek Dost Bankar Ya Ek Rahib Bankar , Mai Saath Rehne Ki Aarzu Rakhunga Tum Bas Saath Rehne Ka Iraada Rakhna, Jaane Se Pehle Bas Bata Jaunga Tumhe Ki Dosti Kya Hai Aur Jo Tumne Pehle Ki Thi Wo Dosti Nahi Sauda Tha

Haan Ye Badi Badi Baate Lagti Hongi

Lekin Ye Shayar Dil Kabhi Jhooth Nahi Likhta Aur Na Hi Likhega Kabhi, Mujhe Sab Banna Qabool Hai Lekin 420 Nahi , Aur Jab Mere Mann Me Soch Bhi Aaye Kisi Ke Sath Matlab Ke Liye Dosti Nibhane Ki Ya Kisi Ko Chod Dene Ki, To Khuda Jaan Hi Nikal Le Usi Waqt

Maine Us Rabb Ko Tere Saath Dekha Hai

Tere Pehle Kadam Par Mai Tere Saath Tha Aur Har Ek Waqt Maine Tere Sath Khuda Dekha Tha Aur Wo Hai Har Waqt Tere Sath Bas Mehsoos Karna Use Kabhi Tujhe Zindgi Me Khushi Mile To Ye Shaks Tere Sath Shayad Na Ho Lekin Jab Jab Zaroorat Hogi , Bas Piche Mudkar Dekhna Ye Shaks Tumhare Piche Khada Hoga , Rabb Ka Waada Hai Mera Saath Dene Ka Aur Mera Waada Hai Tera Saath Dene Ka, Meri Mushkil Jyada Der Nahi Rehti Esliye Mai Apne Dost Ki Mushkil Apni Bana Leta Hoon

Jazbaati Hoon Mai

Likh Jaata Hu Jo Sach Hota Hai Beshaq Mazak Walo Ki Dunia Me Jazbaat Walo Ki Kadar Nahi Lekin Aj Ye Sab Likhna Zruri Tha, Haan Aur Bachna Waha Ke Logo Se , Sirf Apna Matlab Dekhna, Waha Koi Kisi Ka Nahi, Tum Bhi Na Banna Kisi Ke , Thode Din Mushkil Hogi Lekin Himmat Mat Haarna , Tumhare Sath Tumhare Parents Hai Family Hai Aur Ye Shayar Bhi Hai Tumhare Sath , Kuch Bhi Karna Bas Piche Mudkar Mat Dekhna, Piche Mudkar Dekhna Kutto Ka Kaam Hota Hai Or Saale Tu To Sher Hai Mera Sher

Aksar Zindagi Ne Tumhe Bataya
Ki Mai Kya Hoon

Aj Tera Waqt Hai Rahib Tu Jaa
Aur Bata Zindagi Ko Ki Tu Kya Hai

ਗੇੜੀ ਤਾਂ ਹੁਣ ਵੀ ਵੱਜੁਗੀ ਤੇਰੀ ਗਲੀ ਵਿੱਚ
ਪਰ ਸਾਲਾ ਹੁਣ ਪਹਿਲੇ ਵਾਲਾ ਸਵਾਦ ਨੀ ਆਣਾ

Mujhse Karo Waada Aur Ye Waada Nibhana
Kuch Bane Bina Tum, Wapis Na Aana

Kuch Jyada Galat Likh Diya Ho To Maaf Karna

Sun Pagli Tera Dost

©Karan_Writing